Breaking News

चंद्रपूर शहरात १ जुलैपासून हत्तीरोग निर्मूलन , महानगरपालिकेच्या आरोग्य चमूला प्रशिक्षण

Advertisements
Advertisements

चंद्रपूर शहरात १ जुलैपासून हत्तीरोग निर्मूलन

महानगरपालिकेच्या आरोग्य चमूला प्रशिक्षण

चंद्रपूर, ता. २५ : हत्तीरोग निर्मूलनाकरीता सामूहिक व सार्वत्रिक औषधोपचार मोहिमेची यशस्वी अंमलबजावणी करण्याकरीता चंद्रपूर शहर महानगरपालिकेच्या माध्यमातून १ जुलैपासून प्रारंभ होत आहे. त्यासाठी जिल्हा हिवताप अधिकारी डॉ. प्रतिक बोरकर यांनी मनपाचे वैद्यकीय अधिकारी तसेच आरोग्य यंत्रणेतील अधिकारी व कर्मचाऱ्यांना मार्गदर्शन केले.
 
चंद्रपूर शहर महानगरपालिकेच्या नवीन प्रशासकीय इमारतीतील राणी हिराई सभागृहात मनपाचे वैद्यकीय अधिकारी तसेच आरोग्य यंत्रणेतील अधिकारी व कर्मचाऱ्यांना मार्गदर्शन आणि प्रशिक्षण कार्यशाळा शुक्रवारी (ता. २५) घेण्यात आली. जिल्हा हिवताप अधिकारी डॉ. प्रतिक बोरकर यांनी हत्तीरोग निर्मुलनासंदर्भात राबविण्यात येत असलेल्या सार्वत्रिक औषधोपचार मोहिमेची माहिती दिली. हत्तीरोग निर्मुलनासंदर्भात राबविण्यात आलेल्या सार्वत्रिक औषधोपचार मोहिमेच्या प्रभावी अंमलबजावणीमुळे जिल्ह्यात रूग्ण संख्येत लक्षणीय घट नोंदविण्यात आली आहे. सदर मोहिमेत आरोग्य विभागातील सर्व अधिकारी  व कर्मचारी,  नागरिकांना औषध खाण्यास प्रवृत्त करणार आहेत. हत्तीरोगाच्या प्रतिबंधाकरिता यावर्षी देखील हत्तीरोग विरोधी तीन प्रकारची औषधे नागरिकांना देण्याचे उद्दिष्ट आहे. यामध्ये गरोदर माता, दोन वर्षाखालील बालके, अतिगंभीर रूग्ण वगळता सर्वांना घरोघरी जाऊन प्रत्यक्ष देखरेखीत औषध खाऊ घालणे तसेच जिल्ह्यातील कोणतीही व्यक्ती औषधोपचारापासून वंचित राहणार नाही, याची दक्षता घेण्याच्या सूचना आरोग्य यंत्रणेला दिल्या.
Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *