Breaking News

 नात्याला लावला कलंक, नराधम वडिलांनीच केला मुलीचा विनयभंग

Advertisements
Advertisements

 नात्याला लावला कलंक, नराधम वडिलांनीच केला मुलीचा विनयभंग.

मुलीची चंद्रपूर च्या रामनगर पोलीसात तक्रार,गुन्हा दाखल.

चंद्रपूर  :-

कलियुगात नात्याचे महत्व राहिले नसून नीतीमूल्ये हरवलेली माणसे कुठल्याही स्थराला जावू शकतात याची अनेक उदाहरणे आजूबाजूला घडत असतात अशाच एका वडील व मुलीच्या नात्याला कलंक लावण्यात आलेला संतापजनक प्रकार समोर आला असून वयात आलेल्या मुलीवर घरी कुणीही नसल्याची संधी साधून वडिलाने अत्याचार करण्याचा प्रयत्न केला. मात्र मुलीने आपले चारित्र्य सांभाळून घरून पळ काढला आणि पुढचा अनर्थ टळला. या मुलीने वडिलांविरोधात रामनगरच्या पोलीस ठाण्यात विनयभंगाची तक्रार दाखल केली.

चंद्रपूर येथील बंगाली कॅम्प परिसरातील एका कुटुंबात मुलगा, मुलगी असे दोन अपत्ये आहेत. दहावीनंतर मुलगी आईसोबत घरकाम करण्यासाठी जायची. मात्र, वडील कोणतेच काम करीत नाही. पण रिकामटेकडा बापाची वाईट नजर त्याच्या मुलीवर होती.

मागील वर्षीच्या लाकडाउन काळात एक दिवस घरी कुणीही नसल्याची संधी साधून वडिलाने मुलीवर अत्याचार करण्याचा प्रयत्न केला. परंतु मुलीने स्वतःला सांभाळत बापाला धक्का देत घराबाहेर पळ काढला व या घटनेची माहिती आईला दिली. त्यानंतर वडिलाला घराबाहेर काढून देण्यात आले. तब्बल तीन महिन्यांनी आईला फोन करून अपघात झाल्याने घरी नेण्याची विनंती केली. यावेळी यापुढे तसा प्रकार होणार नसल्याचे सांगून माफी मागितली. मात्र, मागील काही दिवसांपासून पुन्हा वडिलांकडून त्रास देणे सुरु झाल्याने अखेर या प्रकाराला कंटाळून मुलीने रामनगर पोलीस ठाण्यात वडिलांविरोधात विनयभंगाची तक्रार दाखल केली असून वडिलावर गुन्हा दाखल झाल्याची माहिती आहे. या घटनेने समाजात संताप व्यक्त होत असून नराधम बापाच्या या कृत्याचा सर्वत्र निषेध होत आहे.

Advertisements

Check Also

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

गुन्हेगारी प्रवृत्ती विरोधात पत्रकारांनी एकजूट होण्याची गरज.”राजेश सोलापन” , पत्रकाराला जीवे मारण्याची धमकी देणाऱ्या आरोपीला अटक

गुन्हेगारी प्रवृत्ती विरोधात पत्रकारांनी एकजूट होण्याची गरज.”राजेश सोलापन” (पत्रकाराला जीवे मारण्याची धमकी देणाऱ्या आरोपीला अटक.) …

Leave a Reply

Your email address will not be published. Required fields are marked *