Breaking News

सावली सलोनी रामेश्वरी…CINEsanjana

Advertisements
Advertisements

आजच्या घडीला मराठी, हिंदी चित्रपटांत नशीब आजमावण्यासाठी अनेक तरुणी दररोज दाखल होत आहेत़ त्यांच्या जवळ गोरा सुंदर चेहरा आहे. कदाचित अभिनयही करता येईल; परंतु गोरा चेहरा हे भांडवल असूच असत नाही, यावर आमचे ठाम मत आहे़ कारण या क्षेत्रात पुढे जाण्यासाठी, नशिबाची मोठी साथ आवश्यक असते. नाही तर स्मिता पाटील, रामेश्वरी यांच्यासोबत असे घडलेच नसते. सावळा चेहरा असूनही त्या अभिनयात उंचीवर पोहोचल्या होत्या.
आंध्र प्रदेशच्या काकीनाडा येथे जन्मलेल्या तल्लूरी रामेश्वरी हिंदी चित्रपटात ‘रामेश्वरी’ म्हणून ओळखल्या जातात. ‘दुल्हन वही जो पिया मन भाए’ (१९७७) या पहिल्या चित्रपटाने मोठी लोकप्रियता मिळाली. राजश्री प्रॉडक्शन चित्रपटात रामेश्वरीने कम्मोची भूमिका साकारली होती. चित्रपटाने देशभरातील चित्रपटगृहात रौप्य महोत्सव आणि सुवर्ण महोत्सव साजरा केला. यासह रामेश्वरी एक रात्रभर स्टार बनल्या. चित्रपटाची कथा लोकांच्या अगदी जवळ घडणारी होती. कथेतील पात्रे देखील सामान्य लोकांकडून घेतली गेली आहेत असे दिसून येते.
मदन पुरी, प्रेम किशन, इफ्तिखार, शशी कला, श्यामली, शिवराज, सुंदर, लीला मिश्रा, सविता बजाज, पिलू वाडिया, विजू खोटे आणि जगदीप यांनी मुख्य भूमिका केली होती. चित्रपटाचे गाणे आणि रवींद्र जैन यांचे संगीतही मधुर आणि मधुरच…
सन १९७० च्या दशकातही, गडद रंगाच्या मुलींना स्टार मटेरियल मानली जात नव्हती. तथापि, जया भादुरीने लहान आणि गडद रंगानंतरही यश संपादन केले. रामेश्वरीने हिंदी सिनेसृष्टीत करिअरची सुरुवात केली तेव्हा जया भादुरीने अमिताभ बच्चनशी लग्न करून स्वत: ला चित्रपटांपासून दूर केले होते. अशा परिस्थितीत रामेश्वरीतील लोकांना जया बच्चनची प्रतिमा दिसू लागली.
रामेश्वरी यांनी पूर्णपणे भारतीय सुसंस्कृत स्त्रीची प्रतिमा स्वीकारली. त्याच्यात दर्शकांना एक आदर्श मुलगी, एक आदर्श पत्नी आणि आदर्श सून अशी प्रतिमा दिसू लागली होती. नशिबाने मात्र फार काळ साथ दिली नाही. एका चित्रपटाच्या छायाचित्रणादरम्यान डोळ्याला दुखापत झाली. यात एक डोळा लहान झाला. या अपघाताने त्याच्या कारकिर्दीला ग्रहणच लागले. त्यांना चित्रपट मिळणे बंद झाले. मिळणाºया भूमिका सह अभिनेत्री म्हणून होत्या. यांच्याकडे दुसरा मार्ग नव्हता. रामेश्वरीने परिस्थितीशी तडजोड केली आणि सह अभिनेत्रीची भूमिका साकारण्यास सुरुवात केली. ‘आशा’ चित्रपटासाठी सर्वोत्कृष्ट सहाय्यक अभिनेत्री पुरस्कारासाठी नामांकन मिळाले होते.
रामेश्वरी यांनी तेलुगु चित्रपटांमध्ये अभिनय केला आहे. निर्माता के. विश्वनाथ यांचा १९७८ साली प्रदर्शित झालेला चित्रपट ‘सीतालक्ष्मी’ हा त्यांच्या कारकिर्दीचा क्लासिक चित्रपट मानला जातो. याशिवाय त्यांनी चिन्नो पेडडुडू, निझाम, नंदनवनम या तेलुगु चित्रपटांमध्येही आपली प्रतिभा दाखविली. चिन्नो पेडडडूसाठी सर्वोत्कृष्ट सहाय्यक अभिनेत्रीचा नंदी पुरस्कार देण्यात आला. लहान पडद्यावरील कैरी, मितवा, फूल कमल के, जब लव लव, बाबुल का आंगन छोटा ना, पडोसी आणि चमत्कार या मालिकेमध्ये अभिनय साकारला आहे.
रामेश्वरी यांनी पुणे चित्रपट आणि टीव्ही संस्थेतून अभिनयाची पदवी संपादन केली. वर्गमित्र आणि पंजाबी चित्रपटांचे अभिनेता-निर्माता दीपक सेठ यांच्याशी लग्न केले. त्यांना भास्कर प्रताप आणि सूर्य प्रेम अशी दोन मुले आहेत. रामेश्वरी यांनी आपल्या पतीसमवेत १९८८ मध्ये ‘हम फरिश्ते नहीं’ या हिंदी चित्रपटाची निर्मिती केली. अभिनय देखील केला. २००७ मध्ये शेक्सपियरच्या नाटक द कॉमेडी आॅफ एरर्स’ वर आधारित एक पंजाबी चित्रपट देखील बनविला होता.
चित्रपटांपासून दूर होण्याबद्दल रामेश्वरी म्हणतात, की मी चित्रपटांमधून निवृत्त झालेले नाही. अजूनही चित्रपटांमध्ये काम करण्याची आकांक्षा बाळगून आहे; परंतु असे दिसते की निर्माता आणि दिग्दर्शक मला विसरले आहेत. चांगल्या अभिनयासाठी कोणत्याही औपचारिक प्रशिक्षणाची आवश्यक नसते, असा माझा विश्वास आहे. प्रतिभा ही नक्कीच जन्मजात असते. प्रशिक्षण एखाद्याची प्रतिभा वाढवू शकते, ती निर्माण करू शकत नाही.

***

Advertisements

Check Also

वर्धा:त्रिनेवा कंपनीच्या नेरी कॅम्पमध्ये मजुराचा मृत्यू:त्रिनेवा कंपनीच्या हलगर्जीपणामुळे घडली दुर्दैवी घटना

त्रिनेवा कंपनीच्या नेरी कॅम्पमध्ये मजुराचा मृत्यू:त्रिनेवा कंपनीच्या हलगर्जीपणामुळे घडली दुर्दैवी घटना – कॅम्प डीमोलेशन दरम्यान …

कोविड १९ कुटुंबातील कर्त्या व्यक्तीचा मृत्यू झाला असेल त्या मुलामुलींचे पालकत्व मेघे समूह उचलणार – डॉ. अभ्युदय मेघे

वर्धा जिल्हा प्रतिनिधी :- दत्ता मेघे आयुर्विज्ञान अभिमत विद्यापीठाद्वारे पत्रकार परिषदेचे आयोजन: ज्या कुटुंबातील कर्त्या …

Leave a Reply

Your email address will not be published. Required fields are marked *