Breaking News

जनविकास सेनेतर्फे ‘दंडा लेकर हल्लाबोल’,आंदोलनकर्ते व पोलिसांत धक्काबुक्की

Advertisements
Advertisements

संतप्त कामगारांनी या महाविद्यालयाच्या काचा फोडून आपला रोष व्यक्त केला.

चंद्रपूर-
कंत्राटी आरोग्य कर्मचार्‍यांच्या मागण्यांची पूर्तता करण्यात यावी या प्रमुख मागणीसाठी शुक्रवारी जनविकास सेनेच्या नेतृत्वात शासकीय वैद्यकीय महाविद्यालयावर ‘दंडा लेकर हल्लाबोल’ आंदोलन केले गेले. महाविद्यालयाच्या प्रवेशद्वारावर पोलिसांनी आंदोलनकर्त्यांना अडविण्याचा प्रयत्न केला. तेथेे आंदोलनकर्ते व पोलिसांमध्ये धक्काबुक्की झाली. शेवटी संतप्त कामगारांनी या महाविद्यालयाच्या काचा फोडून आपला रोष व्यक्त केला.
येथील शासकीय वैद्यकीय महाविद्यालयात कार्यरत कंत्राटी आरोग्य कर्मचार्‍यांचे मागील सात महिन्यांपासून पगार थकित आहे. शिवाय किमान वेतन लागू केले गेले नाही. या मागण्यांची पूर्तता व्हावी यासाठी जनविकास सेनेचे अध्यक्ष पप्पू देशमुख यांच्या नेतृत्वात जिल्हाधिकारी कार्यालयासमोर मागील पाऊण महिन्यांपासून डेरा आंदोलन सुरू आहे. आंदोलनादरम्यान, महाविद्यालयाचे अधिष्ठाता डॉ. अरूण हुमणे यांनी आंदोलनस्थळी भेट दिली. तडजोडीचा प्रयत्न केला. पण दिलेली मुदत उलटली आणि अद्याप पगार न झाल्याने कामगारांत असंतोष पसरला. शुक्रवारी आंदोलनास्थळापासून सर्व कामगार हातात दंडे व दंड्याला झाडू बांधून शासकीय महाविद्यालयाच्या दिशेने रवाना झाले. त्यांना अडविले गेल्याने कामगार संतप्त झाले. त्यांनी महाविद्यालयात तोडफोड केली. काही काळ तेथे तणाव निर्माण झाला होता. या आंदोलनाची दखल न घेतल्यास अधिष्ठाता कार्यालयाप्रमाणे प्रत्येक शासकीय विभागात ‘दंडा लेकर हल्लाबोल’ आंदोलन करू, असा इशारा पप्पू देशमुख यांनी दिला आहे.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *