Breaking News

युवकाचा कोळसा खाणीच्या खड्डयात बुडून मृत्यू

Advertisements
Advertisements

भद्रावती-
गुरांना पाणी पाजण्यासाठी गेलेल्या युवकाचा कोळसा खाणीच्या खड्डयात बुडून करुण अंत झाल्याची घटना भद्रावती पोलिस ठाणे अंतर्गत बेलोरा (किलोनी) या गावात सोमवार, 22 मार्च रोजी उघडकीस आली.
तालुक्यातील बेलोरा (किलोनी) येथील रहिवासी पराग बंडू गाडगे (22) हा युवक 19 मार्चपासून घरून बेपत्ता असल्याची तक्रार भद्रावती पोलिस ठाण्यात करण्यात आली होती. हा युवक भद्रावतीमध्ये औद्योगिक प्रशिक्षण घेत होता. दरम्यान, 19 तारखेला आपले प्रशिक्षण आटोपून तो सरळ शेतात गेला. त्यावेळी तो डागा खाण कंपनीने उत्खनन केलेल्या खड्डयामध्ये सायंकाळी 5 वाजेच्यादरम्यान स्वतःच्या मालकीच्या गुरांना पाणी पाजताना तोल जाऊन पाण्यात पडल्यामुळे बुडाला.
दरम्यान मुलगा घरी न परतल्यावर घरच्यांनी जवळपास दोन ते तीन दिवस शोध घेतला. मात्र, तो आढळून आला नाही. दरम्यान 22 मार्चला गावातील नागरिक याच खड्डयावर गेले असता मृतदेह तरंगताना दिसून आला. याची माहिती भद्रावती पोलिस ठाण्याला तात्काळ देण्यात आली. पोलिसांनी घटनेची दखल घेत पंचनामा करून मृतदेह उत्तरीय तपासणीसाठी भद्रावती येथील ग्रामीण रुग्णालयात पाठविला. त्यानंतर विच्छेदन करुन मृतदेह नातेवाईकांकडे सुपूर्द करण्यात आला. याप्रकरणी पोलिसांनी मर्ग दाखल केला असून, पुढील तपास सुरू आहे.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *