Breaking News

मोहर्ली-पद्मापूर मार्गालगत कारच्या अपघातात बिबट्याचा मृत्यू

Advertisements
Advertisements

कारच्या अपघातात बिबट्याचा मृत्यू
चंद्रपूर-
ताडोबा-अंधारी व्याघ्र प्रकल्पाच्या मोहर्ली-पद्मापूर मार्गालगत एका बिबट्याचा मृतदेह गुरूवारी सकाळच्या सुमारास आढळला. कारच्या धडकेत बिबट्याचा मृत्यू झाल्याचा प्राथमिक अंदाज सहाय्यक वनसंरक्षक बी.सी. येळे यांनी व्यक्त केला आहे. रविवारी ज्या ठिकाणी भरधाव कारने झाडाला धडक दिली, त्याच ठिकाणी थोड्या अंतरावर मृत बिबट आढळला असल्याचे त्यांनी लाभला सांगितले. ताडोबा-अंधारी व्याघ्र प्रकल्प पद्मापूर गेट पासून 500 मीटर अंतरावर आहे. 21 मार्च रोजी रात्री 9.30 च्या सुमारास एम. एच. 34-बीआर- 6979 या क्रमांकाच्या कारने झाडाला भीषण धडक दिली होती. या अपघातात दोन पर्यटक गंभीर जखमी झाले होते. शिवाय कारचा समोरील भागाचे मोठे नुकसान झाले झाला होता.
त्यानंतर तेथे तिसर्‍या दिवशी दुर्गंधी पसरल्याने वनाधिकार्‍यांनी शोध घेतला असता, बिबट मृतावस्थेत आढळून आला. रविवारी ज्या ठिकाणी कारने झाडाला धडक दिली, त्याच ठिकाणी थोड्या अंतरावर मृत बिबट्या आढळल्याने कारच्या अपघातात बिबट्याचा मृत्यू झाला असून, बिबट्याचे केस कारला चिटकलेले आढळून आले आहे. उत्तरीय तपासणीत मृत बिबट्याच्या डोक्याला गंभीर मार लागला आहे.
मानेचे हाड मोडले असून, समोरील पायही तुटला असून, मृत बिबट 5 ते 6 वर्ष वयाचा असल्याचे येळे यांनी सांगितले. वन्यजीवांची मोठी वर्दळ असलेल्या मोहर्ली मार्गावर पर्यटक वाहनांचा वेग वाढवतात, ही वनविभागासाठी चिंतेची बाब आहे. वनपथक घटनास्थळी दाखल झाले असून, मृत बिबट्याचे शवविच्छेदन करण्यात आले. यावेळी सहायक वन संरक्षक येडे, वन परीक्षेत्रअधिकारी मुन, मानद वन्यजीव रक्षक बंडू धोतरे, डॉ. कडुकर, डॉ. खोब्रागडे, डॉ. पोदाचलवार उपस्थित होते.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *