Breaking News

चंद्रपूरचे तापमान विदर्भात सर्वाधिक ,चंद्रपूरचे तापमान 43.8, तर ब्रम्हपुरी 42.1 अंश सेल्सिअस

Advertisements
Advertisements

चंद्रपूरचे तापमान विदर्भात सर्वाधिक
चंद्रपूरचे तापमान 43.8, तर ब्रम्हपुरी 42.1 अंश सेल्सिअस

चंद्रपूर- विदर्भातच नव्हे, तर अख्ख्या जगात अनेकदा चंद्रपूरचे तापमान सर्वाधिक राहिले आहे. यंदा मात्र मे महिना उजाडण्याच्या आधीच आणि कोरोनाच्या सावटात एप्रिल हिटचा चंद्रपूरकरांना सामना करावा लागत आहे. गत तीन दिवसांपासून उन्हाचा पारा बराच चढला आहे. गुरूवारी भर दुपारी महानरातील रस्ते निर्मनुष्य झाले होते. चंद्रपूर 43.8, तर ब्रम्हपुरी 42.1 अंश सेल्सिअस तापमानाची नोंद केल्या गेली.
मे हिटचा जबरदस्त धसका नागरिकांनी एप्रिलच्या सुरूवातीलाच घेतला. विदर्भात चंद्रपुरात सर्वाधिक तापमानाची नोंद झाली. ब्रम्हपुरीचे तापमान दुसर्‍या स्थानावर नोंदल्या गेले. त्यापाठोपाठ अकोला 41.6, नागपूर 40.6, वर्धा 40.5, यवतमाळ 40.5, गडचिरोली 41.2, तर गोंदिया जिल्ह्यात 39.2 अंश सेल्सिअस तापमानाची नोंद घेण्यात आली.
गुरूवारी दुपारी महानगरात फेरफटका मारला असता, तप्त उन्ह चटके देत होते. त्यामुळे शहरातील रस्ते निर्मनुष्य झाले होते. सायंकाळी 5 वाजेपर्यंत बाजारपेठेतही शुकशुकाट बघायला मिळाला. येथील शासकीय कार्यालयात कामकाजाच्या दिवशी ग्रामीण भागातील नागरिकांची गर्दी दिसली नाही. स्थानिक राज्य परिवहन महामंडळाच्या बसस्थानकावर प्रत्येक प्रवासी झाडांच्या आडोशाला आसरा घेताना दिसला.
‘हॉट सिटी’ म्हणून ओळख असलेल्या चंद्रपूरचा उन्हाळा राज्यात गाजतो. सर्वाधिक तापमानाची नोंद अनेकदा चंद्रपूर जिल्ह्यात होत असते. गेल्या पाच दिवसांपासून 39 ते 40 अंश तापमान येथे होते. गुरूवारी सकाळपासूनच उन्हाचे चटके असह्य होऊ लागले होते. नागरिकांच्या घरातील कुलर्स, एसीही सुरू केल्या आहेत. कामानिमित्त घराबाहेर पडणारा नागरिक शितपेयांच्या दुकानात दिसू लागला.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *