Breaking News

अधिकार्‍यास लाच घेताना अटक

Advertisements
Advertisements

अधिकार्‍यास लाच घेताना अटक
चंद्रपूर-
जमिनीचे फेरफार करुन देण्याच्या कामासाठी 1 हजार 500 रुपयाची लाच स्वीकारणार्‍या भद्रावती तहसिल कार्यालयातील मंडळ अधिकार्‍यास रंगेहाथ अटक करण्यात आली. प्रशांत नरेंद्रप्रतापसिंह बैस असे अटकेतील आरोपीचे नाव आहे. ही कारवाई गुरूवार, 1 एप्रिल रोजी लाचलुचपत प्रतिबंधक विभागाने केली.
चंद्रपूर येथील रहिवासी तक्रारदार यांची चंदनखेडा साजा अंतर्गत चरूर घारापुरी येथे शेती आहे. या शेतजमिनीचे फेरफार करण्यासाठी तक्रारदाराने आरोपीकडे अर्ज केला. जमिनीचे फेरफार करण्यासाठी त्याने 2 हजार रूपयाची मागणी केली. लाच देण्याची इच्छा नसल्याने तक्रारदाराने लाचलुचपत प्रतिबंधक विभागाकडे याबाबतची तक्रार नोंदवली. गुरूवारी सापळा रचून पडताळणी करण्यात आली. तडजोडीअंती 1 हजार 500 रूपये स्वीकारण्याचे आरोपीने मान्य केले. ही रक्कम स्वीकारताना त्यास रंगेहाथ पकडण्यात आले. त्याच्याविरूद्ध भद्रावती पोलिस ठाण्यात गुन्हा दाखल करण्यात आला.
ही कारवाई पोलिस उपायुक्त रश्मी नांदेडकर, अप्पर पोलिस अधीक्षक मिलिंद तोतरे, पोलिस उपअधिक्षक अविनाश भामरे, मनोहर एकोणकर, संतोष येलपूलवार, अजय बागेसर, रोशन चांदेकर, रवी ढेगळे, समिक्षा भोंगळे, सतिश सिडाम यांनी केली.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *