Breaking News

देवटोक येथे उत्खननात आढळली पुरातन शिवपिंड

Advertisements
Advertisements

देवटोक येथे उत्खननात आढळली पुरातन शिवपिंड
सावली-
तालुक्यातील वैनगंगा नदीच्या उत्तर वहिनीच्या काठावर असलेल्या देवटोक येथे मंगळवार, 25 मे रोजी सायंकाळी 6 वाजताच्या सुमारास नवीन मंदिराच्या बांधकामासाठी करण्यात येत असलेल्या उत्खननात पुरातन शिवपिंड आढळून आली.

देवटोक येथे नवीन मंदिराचे बांधकाम सुरू आहे. दरम्यान, मंगळवारी सायंकाळच्या सुमारास जेसीपीच्या सहाय्याने खोदकाम सुरू होते. यावेळी अंदाजे 5 फूट लांबी व 1 फूट उंचीची पुरातन शिवपिंड आढळून आली. ही वार्ता परिसरात पसरताच शेकडो नागरिकांनी शिवपिंड पाहण्यासाठी मंदिर परिसरात गर्दी केली. या शिवपिंडीची विधीवत पूजा करण्यात आली. याबाबत कळताच बुधवार, 26 मे रोजी दुपाच्या सुमारास खासदार अशोक नेते यांनी देवटोक येथे भेट दिली व शिवपिंडीची पाहणी करून पूजा अर्चना केली. तसेच सभामंडपासाठी 15 लाख रुपये देत असल्याची माहिती दिली.

यावेळी त्यांच्यासह भाजपा तालुकाध्यक्ष अविनाश पाल, तालुका महामंत्री सतीश बोम्मावार, नायब तहसीलदार सागर कांबडे, ठाणेदार शिरसाट, श्री पुण्यभूमी तीर्थक्षेत्र मुरकुंडेश्वर देवस्थान ट्रस्ट देवटोक (शिर्शी) चे अध्यक्ष संत मुर्लीधर महाराज, उपाध्यक्ष पत्रू चुधरी, सचिव नरेश जकुलवार, सुरेंद्र उरकुडे, सुरज बोम्मावार, पुंडलिक पाल, नामदेव हजारे, भास्कर पोहनकार, जीबगाव ग्रामपंचायत सदस्य राकेश गोलेपल्लीवार उपस्थित होते. यावेळी ट्रस्टच्या वतीने भक्तनिवास बांधकामासाठी निधी मंजूर करावा, या मागणीचे निवेदन अशोक नेते यांना देण्यात आले.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *