Breaking News

डोणी जंगलात वाघिणीचा मृत्यू

Advertisements
Advertisements

डोणी जंगलात वाघिणीचा मृत्यू

मूल-
तोडोबा-अंधारी व्याघ्र प्रकल्पांतर्गत येणार्‍या बफर क्षेत्रातील मूल वनपरितक्षेत्रच्या नियत क्षेत्र डोणी-1 कक्ष क्रमांक 327 मध्ये शनिवार, 5 जून रोजी 10 वाजताच्या सुमारास एक वाघीण मृतावस्थेत आढळून आली. या घटनेची माहिती वरिष्ठ वनाधिकार्‍यांना कळताच त्यांनी घटनास्थळी भेट देऊन पाहणी केली. त्यानंतर मृत वाघणीला चंद्रपूर येथील प्राथमिक उपचार केंद्रात आणून शवविच्छेदन करण्यात आले. त्यानंतर तिचे दहन करण्यात आले. या वाघीणीचा मृत्यू जखमांमुळे रक्तस्त्राव झाल्याने झाल्याचे सांगण्यात आले.

डोणी 1 चे वनरक्षक यांना ही वाघीण 2 जून रोजी दूपारी 2 वााजताच्या सुमारास डोणी गावापासून अंदाजे 1.5 किलोमीटर अंतरावर दाट झुडपाखाली बसून असलेली आढळून आली होती. मात्र, ती त्या ठिकाणाहून न उठल्याने तिला विशेष निरक्षणात ठेवण्यात आले होते. त्यानंतर शनिवारी ती मृतावस्थेत आढळली. ही कार्यवाही ताडोबा-अंधारी व्याघ्र प्रकल्पाचे उपसंचालक (बफर) व सहायक वनसंरक्षक जी. गुरूप्रसाद यांच्या मार्गदर्शनाखाली करण्यात आली.

पाच दिवसापूर्वी या जंगलात दोन वाघांची झुंज झाल्याचे बोलले जात होते. मृत वाघीण त्यापैकीच असावी, असा अंदाज वन कर्मचार्‍यांनी व्यक्त केला आहे. वरिष्ठ अधिकार्‍यांनी मात्र, मृत वाघीण विषयी कुठलाही अंदाज व्यक्त केलेला नाही.

Advertisements

Check Also

दुपारी १ वाजता निकाल लागूनही विद्यार्थी आणि पालकांना आपला निकाल पाहता आलेला नाही.

बोर्डाचा गलथान कारभार; चार तासानंतरही विद्यार्थ्यांना निकाल पाहता येईना दहावीच्या निकालाच्या दोन्ही वेबसाईट तब्बल ३ तासांहून …

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन

स्त्रीरोग तज्ज्ञांनी सेवाभावातून महिलांच्या आरोग्याची काळजी घ्यावी ▪️ महापौर राखी संजय कंचर्लावार यांचे प्रतिपादन ▪️   चंद्रपूर ऑब्स्टेट्रिक अँड गायनेकोलॉजिकल सोसायटीच्या …

Leave a Reply

Your email address will not be published. Required fields are marked *